బాతాఖాని-లక్ష్మిఫణి కబుర్లు– INDIAN IDOL JUNIOR


    ఒకానొకప్పుడు పెద్ద పెద్ద ఇళ్ళలో ఉండి, ఆ ఇళ్ళని maintain చేయడం కష్టమయి, వాటిని డెవెలప్మెంటు కోసం ఇచ్చేసి అగ్గిపెట్టెల్లాటి ఎపార్టుమెంటల్లోకి మారిపోతున్నారు. వీటిలో ఉండే సదుపాయం వీటిలోనూ ఉంది. ఆధునిక ప్రపంచంలో ఏది చూసినా compact యుగమే కదా ! కానీ ఒకవిషయం చెప్పండి, అకస్మాత్తుగా పాత తరం లోగిళ్ళలోకి వెళ్ళమని ఎవరైనా ఆఫరు ఇస్తే వెళ్ళకుండా ఉంటారా? Nostalgia పేరుచెప్పి, ఈరోజుల్లో గ్రామాలకి వెళ్ళి అక్కడ కనీసం ఓ వారంరోజులైనా గడపడానికి ఎవరు కాదంటారు చెప్పండి? జనం ఒప్పుకున్నా ఒప్పుకోకపోయినా ఒక విషయం మాత్రం పచ్చినిజం- old is always gold.అందుకేకదా ఎక్కడ పడితే అక్కడ రిసార్టులూ అవీ వచ్చేశాయి.పైగా వాటికి ethnic అని ఓ పేరోటీ? ఏ ఎరువూ వేయకుండగా కూరగాయలు చేస్తే దానిని organic అంటారుట. ఎంత ఆరోగ్యకరం కాకపోతే, వాటివెనక్కాల పడతారూ? ఎలా చెప్పుకున్నా పాతబంగారంలో ఉన్న విలువ ఈరోజుల్లో కనిపిస్తుందంటారా?

    అసలు ఈ గొడవంతా ఎందుకు మొదలెట్టానంటే, సోనీ లో కొన్ని నెలలుగా Indian Idol Juniors అని ఓ కార్యక్రమం వస్తోంది. ఆ కార్యక్రమం పరాకాష్టకి వచ్చేసింది. నిన్నటి కార్యక్రమంలో, అలనాటి సంగీత జోడి లక్ష్మికాంత్ ప్యారేలాల్ జంటలోని ప్యారేలాలు గారు ముఖ్య అతిథి.ఆయన ఆ కార్యక్రమానికి రావడమే కాకుండా, తనతో పాటుగా తన 125 సభ్యుల Orchestra ని కూడా తీసికుని వచ్చారు. ఓ గంటన్నర పాటు ” అమృతమే ” జాలువారింది అంటే నమ్మండి. ఈ రోజుల్లో సంగీత దర్శకులు అవేవో సింథజైజర్లూ అవీ ఉపయోగించి, అన్నివాయిద్యాల ధ్వనులూ వినిపించగలుగుతున్నారు. నిజమే కాని ఆనాటి సంగీతదర్శకులకి ఓ పాతిక వయొలిన్లు, ఓ రెండో మూడో ఎకార్డియన్లూ, ఓ పియానో, ఇలా వివిధరకాలైన వాయిద్యాలతో ఓ వందమంది దాకా ఉండేవారు, కొంతమందికైతే రెండేసి వందల దాకా ట్రూప్పులుండేవి. వారంతా ఓ dedicated team లా ఉండేవారు.

    అలాగని ఈరోజుల్లో సంగీతం ఇచ్చేవారు లేరని కాదు, ఎవరి ఘనత వారిదీ.ఈరోజుల్లో అంతా compact యుగమే కదా. పాడేవారికంటే పాటకి అనుగుణంగా వాద్య సహకారం ఇచ్చేవారే గొప్ప. అదీ రెండువందలమంది కళాకారులు సంగీతం ఇస్తూంటే పాడే వాతావరణమే వేరు. ఇప్పటికీ Zubin Mehta గారి కార్యక్రమం ఉందంటే చెవికోసుకునేవారు లక్షల్లో ఉంటారు. పైన చెప్పినట్టుగా, ఎపార్టుమెంటుల్లో ఎన్ని సౌఖ్యాలు ఉన్నా, పాత తరం లోగిళ్ళ వాతావరణమే వేరు.

    సరీగ్గా అలాటి వాతావరణమే సృష్టించారు శ్రీ ప్యారేలాల్ గారు నిన్నటి కార్యక్రమంలో. మొదట్లో వారు , శ్రీ లక్ష్మీకాంత్ గారితో సంగీతసారధ్యం వహించిన 600 పైచిలుకు సినిమాల్లోంచి కొన్ని ఆణిముత్యాలు ఏరి,వాటిల్లో ఒకటా రెండా, ఓ పాతికదాకా ఓ medley వినిపించి, శ్రోతలని ఒక్కసారి ఎక్కడికో.. ఎక్కడెక్కడికో..అడక్కండి తీసుకుపోయారు. అద్భుతం..అజరామరం..అద్వితీయం.. ఆకార్యక్రమ విడియో దొరుకుతుందేమో అని వెదికేను,ఇప్పుడే దొరికిందండోయ్.. తప్పకుండా విని చూసి ఆనందించండి.సోనీ వారు పెట్టిన విడియోలో సౌండు రావడం లేదు. కారణం నాకైతే తెలియదు. నేను పెట్టిన క్లిప్పింగులు చూసి, ఆ తరువాత యూట్యూబ్ లో వచ్చినప్పుడు చూసి ఆనందిచ్చొచ్చు.

    ఇంక ఫైనల్స్ కి వచ్చిన నలుగురు పిల్లలూ ఒకర్ని మించినవారింకొకరు. వారు పాడినపాటలు- అదీ original సంగీత వాయిద్య సహకారంతో పాడి వినిపించడం వారు చేసికున్న అదృష్టం, విని ఆనందించడం మన అదృష్టం. ఈ నలుగురిలో “పోటీ” కాబట్టి, చివరకి ఎవరో ఒకరు నెగ్గుతారు. అదొక్కటే బాగుండదు. ఈవేళ రాత్రి 8.30 కి ఆ కార్యక్రమం చూడడం మాత్రం మిస్సవద్దని నా ప్రార్ధన. ఎవరు నెగ్గారూ కంటే, ఎంత అద్భుతంగా పాడారూ అన్నదే ముఖ్యం. ఇన్నిరోజులుగా ఆ కార్యక్రమం వస్తూన్నా, నేను ప్రస్తావించలేదు, కారణం ఆ కార్యక్రమాల్లో సంగీతసహకారం ఇచ్చిన వారు, ఒరిజినల్ పాటలకి అనుకరణ చేయకలిగారే కానీ, ఆ “అస్సలు” ది సృష్టించలేకపోయారు. కానీ నిన్నటి కార్యక్రమం వింటూంటే ఏదో live performance by LP అనే అనిపించింది. అందుకే అన్నాను అసలు అసలే అనుకరణ ఎప్పుడూ అనుకరణే. ఏదో నాకు సాధ్యమైనంతవరకూ నా కెమేరాలో కొన్ని రికార్డు చేసి పెట్టాను. .

    DO NOT MISS INDIAN IDOL JUNIORS GRAND FINALE on SONY at 8.30 PM today.

    ఒకటి

   రెండు

    మూడు

  నాలుగు

Advertisements

4 Responses

  1. Thanks for sharing. Never heard about this.I just read about Zubin Mehta in Gollapudi gari’s blog and you mentioned again here. Never heard about Zubin Mehta either. Will search for him.
    -SJ

    Like

  2. SJ,

    Thanks for your comment. You can learn a lot about the great Zubin Mehta at http://www.zubinmehta.net/ He made India proud..

    Like

  3. nice post

    Like

  4. డాక్టరుగారూ,

    థాంక్స్..

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: