బాతాఖాని-లక్ష్మిఫణి కబుర్లు

Engg Students

   రెండు రోజుల క్రితం, మన రాష్ట్రం లోని ప్రెవేట్ కాలేజీల యాజమాన్యం వారు, రేపణ్ణించి కాలేజీలు మూసేస్తున్నామని ప్రకటించారు. ఏదో కిందా మీదా పడి, మొత్తానికి ప్రభుత్వం, అదేదో fees reimbursement కి సంబంధించి, కొంత మొత్తాన్ని విడుదల చేస్తామనేటప్పటికి, యాజమాన్యం, వారి “బెదిరింపు” వాయిదా వేశారని ఈవేళ్టి న్యూస్ లో విన్నాము. అంతా బాగానే ఉంది, కానీ ప్రభుత్వం వారిచ్చేreimbursement ఏ కొద్దిమందికో కానీ, అందరికీ కాదు కదా, మరి ఈమాత్రం దానికి నిజాయితీగా ఫీజులు కట్టేవారి చదువులు పాడిచేస్తే ఎలాగండి బాబూ? అంత బాధ్యతా రహితంగా ప్రవర్తిస్తే ఎలాగా?

   మా రోజుల్లో, ఇంజనీరింగు కాలేజీలు ఎక్కడో కాకినాడలోనూ, విశాఖపట్టణం లోనూ, అలాగే కొన్ని ముఖ్యనగరాల్లోనూ ఉండేవి. జనాభా పెరిగేకొద్దీ, ప్రస్తుతం వీధికో ఇంజనీరింగు కాలేజీ వచ్చేసింది. దాంట్లో టీచింగ్ క్వాలిటీ ఎలాగుందీ అనే దానిమీద ఎవరికీ శ్రధ్ధలేదు, అది వేరే విషయం. మన రాష్ట్రం లో ఎక్కువ ఇంజనీరింగు కాలేజీలు, ఏదో ఒక రాజకీయనాయకుడికి సంబంధించినవే. ఎలాగూ ప్రభుత్వం ఫీజు reimburse చేస్తారులే అని, ఎవడుపడితే వాడు, ఎక్కడ పడితే అక్కడ, ఓ కాలేజీ తెరిచేశారు. ఏదో తల తాకట్టు పెట్టో, ఏ ఎడ్యుకేషన్ లోనో తీసికుని, చాలామంది తల్లితండ్రులు వారి పిల్లల్ని ఇంజనీరింగులో చేర్పిస్తారు. చదువు పూర్తయిన తరువాత ఏదో ఉద్యోగం వస్తేనే కదా, వాళ్ళు చేసిన అప్పు తీర్చడం. అందరూ లక్షాధికార్లూ, కోటీశ్వరులూ కాదు కదా, చాలామంది మధ్యతరగతి వాళ్ళే. ఏదో దీక్షలూ, ఆందోళనలూ దాటుకుని మొత్తానికి ఆ డిగ్రీ పూర్తిచేస్తారు. వీళ్ళేదో డిగ్రీ సంపాదించేశారూ అని, వీళ్ళకోసం ఉద్యోగాలేమైనా వీరికోసం waiting లో ఉండవుకదా. మళ్ళీ ఇంతట్లో ఊరికే కూర్చోడం ఎందుకని, పోస్ట్ గ్రాడ్యుఏషనూ, అప్పటికీ ఉద్యోగం రాకపోతే, ఎంబిఏ, అదీ పూర్తిచేసి, మళ్ళీ అదేదో డాక్టరేటూ.

   మనదేశం లో ఇంజనీరింగు చేసినవారికి ఉద్యోగాలు ఎందుకు రావడం లేదో కారణాలు, ఈమధ్యన ఓ పేపర్లో చదివాను. ఆ వ్యాసంపైన పెట్టాను. ఓసారి చదవండి. ఊరికే కాలేజీలు తెరిచేసి, ఇంజనీర్ల ఫాక్టరీలు తయారుచేస్తే సరిపోదుగా.

   ఈవేళ మన ఐఏఎస్ వారు, ” work to rule” లాటిది మొదలెట్టారుట. అంటే దానర్ధం ఇన్నాళ్ళూ రూల్స్ ప్రకారం పనిచేయడం లేదన్న మాటే కదా! మరి ఈమాత్రం దానికి ఊరికే మొత్తుకోడం దేనికీ?

.

బాతాఖాని-లక్ష్మిఫణి కబుర్లు– Melody R.I.P…….

SRT is GOD

    ఈవేళ సాయంత్రం “మా” మ్యూజిక్ చానెల్ వారి బహుమతీ పురస్కార కార్యక్రమం చూశాను. అందులో వివిధ గాయకులు పాడిన పాటలు విన్నాము. మెలొడీ కీ, బీట్ కీ ఉండే తేడా ఏమిటో స్పష్టంగా తెలిసింది. బీట్ అనేదుండాలి, కానీ మరీ ఎక్కువేమో అనిపించింది. ఇదివరకటి రోజుల్లోనూ ఉండేవి బీట్ పాటలు, కానీ వాటిలో ఏదో అర్ధం అయ్యే పదాలుండెవి. ఇప్పుడు పదాలకి అంత ప్రాముఖ్యం అవసరం లేదని తెలిసింది. అందుకే కాబోలు, ఆర్నెల్ల క్రితం వచ్చిన సినిమా అయినా సరే, ఒక్క పాటకూడా గుర్తుండదు. ఆ అరుపులూ, కేకలూ, వాటిననుకరిస్తూ చేసే గైరేషన్లేనా గుర్తుంటాయా అంటే అదీ లేదు.
ఒక విషయం మాత్రం చాలా బాగుంది– మోడరన్ అరుపులు ఎంత బాగా చేశారో, అదే శ్రధ్ధతో పాత పాటలు పాడిన, మన యువ గాయకులకి హ్యాట్సాఫ్ !! బహుశా ఈ ప్రావీణ్యం, మన సుశీల గారికీ, జానకి గారికీ లేదేమో అనిపించింది. వాళ్ళు ఈరోజుల్లో వచ్చే పాటలు పాడిఉండగలిగేవారా అనిపించింది. హాయిగా రంగం లోంచి వెళ్ళిపోయి సుఖపడ్డారు. సిరివెన్నెలసీతారామశాస్త్రి గారి గురించి, దర్శకుడు త్రివిక్రం చెప్పిన మాటలు చాలా బావున్నాయి. తనకు జరిగిన సన్మానానికి సిరివెన్నెల స్పందన కూడా బావుంది.

   ఒక విషయం మాత్రం అర్ధం అవదు నాకు ఎప్పటికీ- ఇలాటి కార్యక్రమాల్లో కొంతమంది “కళాకారులు” చేసే ఐటం సాంగుల గెంతులు !పబ్లిక్కుగా వీళ్ళు చేస్తే రైటా, అదే మన పట్టణాల్లోనూ, గ్రామాల్లోనూ ఏదో పొట్టకూటి కోసం రికార్డింగ్ డాన్సులు చేస్తే తప్పా?Why these doublestandards? ఆ మధ్యన ఏదో “జాతర” సందర్భం లో పాపం వాళ్ళెవరో సోకాల్డ్ “అశ్లీల నృత్యాలు” చేశారనీ, వాళ్ళని పోలీసులు అరెస్ట్ చేశారనీ , మన చానెళ్ళవాళ్ళు ఘోష పెట్టేశారులెండి. దానికి సాయం అదే కార్యక్రమం లో మన మహిళా సంఘాల ప్రతినిధులు కూడా పాపం ఆవేశపడి, ఆవేదన చెందేశారు. మరి ఇలాటి ఫంక్షన్లలో జరిగేవేవీ వీళ్ళ దృష్టిలోకి రావా? వచ్చినా అభ్యంతరపెట్టే ధైర్యం లేదా?

   కొత్త పాటలు వింటూన్నంతసేపూ, గైరేషన్లు చూస్తున్నంతసేపూ ప్రేక్షకులలో ఉన్న శ్రీ విశ్వనాథ్, శ్రీ బాపూ.శ్రీమతి సుశీలా ( to mention only a few..) గార్ల body language, హావభావాలు చూస్తేనే అర్ధం అవుతుంది, వాళ్ళెంత ” హింస” కి గురయ్యారో! ముందరి సీట్లలో కూర్చున్న ఏ ఒకరో ఇద్దరో తప్ప, మిగిలినవారందరూ లిటరల్లీ ఫ్రీజ్ అయిపోయారు!

   బీట్ పాటలుండకూడదనడం లేదు, కాని వాటి shelf life ఎంత? ఆ పాటలున్న సినిమాల్లాగానే మహ అయితే ఓ వారం, పదిహేను రోజులు కాదూ కూడదూ అంటే ఓ నెలేసికోండి.ఈరోజుల్లో వచ్చే పాటల standard గురించి ఎంత తక్కువ చెప్పుకుంటే అంత మంచిది.అలాగే ఈ మ్యూజిక్ డైరెక్టర్లూనూ- one night wonders !మెలొడీకి ఈ రోజుల్లో స్థానం లేదని, ఇళయరాజా చేసిన శ్రీరామరాజ్యానికి ఎవార్డ్ రానప్పుడే తెలిసింది. Melody R.I.P.

   వారం వారం వచ్చే సాహిత్య సంచికా కార్యక్రమం ” వందేళ్ళ తెలుగు కథ” ప్రసారం చేస్తున్న hmtv వారు అభినందనీయులు. అలాగే నిన్ననుకుంటా ఏదో చానెల్ లో సైబర్ క్రైం గురించి ఓ కార్యక్రమం కూడా బావుంది. ఈవేళ TV9 అనుకుంటా, తెలుగు ఎకాడెమీ వారు ప్రచురించిన డిఎస్ సీ పుస్తకాల్లో ప్రచురించిన తప్పుల తడకల గురించి కార్యక్రమం. వాటిగురించి వింటూంటే సిగ్గేసింది.మనకంటే సిగ్గేస్తుంది కానీ, వాళ్ళకి సిగ్గూ ఎగ్గూ లేదని తెలిసిపోయింది.

   మనవాళ్ళు ఏదో by mistake ఓ మాచ్ నెగ్గేసరికి ఇక్కడ టపాకాయలు పేల్చేశారు. పాపం వాళ్ళా మనల్ని disappoint చేసేదీ? ఈవేళ మళ్ళీ మామూలే… నిన్న ఓ పేపరు లో చదివిన ఓ వ్యాసం పైన పెట్టాను. కోప్పడకండి, ఓపికుంటే చదవండి…

బాతాఖాని-లక్ష్మిఫణి కబుర్లు– దేముణ్ణి కూడా వదలడం లేదు…

OPEN

   అదేం విశేషమో, ఆ శ్రీవెంకటేశ్వరుణ్ణి కూడా రాజకీయాల్లోకి లాగేస్తున్నారు. రెండు రోజుల క్రితం, షిరిడీ నుండి వచ్చిన సాయిబాబా పాదుకలమీద వివాదం. ఈవేళ చిన జియర్ గారూ, ఆయనెవరో పీఠాధిపతి గారూ ఒకరిమీద ఒకరు ఆరోపణలు. ఈ మధ్యలో శ్రీవారి కల్యాణం నేపాల్ లో జరపడం విషయం లో వివాదం. ఇవే కాకుండా ఈ.ఓ. గారొకాయన మీద సిబీఐ వాళ్ళు chargesheet లో ఆయన పేరు ప్రస్తావించారని, ఈయనేమో దేముడి మీద ప్రమాణాలూ వగైరా.. ఏమిటో ఆయనదారిన ఆయన శ్రీవెంకటేశ్వరుడు, ఏదో హాయిగా కళ్ళు మూసుకుని, ఆయన అప్పేదో తీర్చుకుంటున్నారుగా, వీళ్ళనేమైనా అడిగారా పెట్టారా, వదిలేయకూడదూ పోనీ? ప్రతీదాన్నీ రాజకీయం చేయడం ఎందుకో అసలు? ఆయనెవడో, ప్రభుత్వాన్ని రక్షించడానికి ఓటు వేశాడని, టిటిడి ఛైర్మన్ చేశారు. ఇంకోఆయనేమో (మాజీ ఛైర్మన్) అవేవో నిరాహారదీక్షలూ వగైరా చేశాడు. ఒక్కరోజు కూడా, ఏదో ఒక controversy లేకుండా రోజెళ్ళడం లేదు. ఎవరి వాదనలు కరెక్టో కూడా తెలియదు. ఎవర్ని నమ్మాలో అసలే తెలియదు. అందుకనే అన్నారేమో కలికాలం అని.

   ఈవేళంతా మన ఐఏఎస్ అధికారులందరూ గొడవ మొదలెట్టారు. ప్రతీ వాళ్ళూ రాజకీయ నాయకుల ఒత్తిడివలన ఆర్డర్లు పాస్ చేశామనే వారే. కానీ దేశం మొత్తం మీద చూస్తే
ఓ ఆర్మీ అనండి, ఇంకం టాక్సనండి, పోలీసనండి, ఎక్సైజనండి ఇలా చెప్పుకుంటూ పోతే ప్రతీ శాఖలోనూ అతిరథమహారథులున్నారు. గట్టిగా పట్టుకునేసరికి గుండె నొప్పనేవాళ్ళోళ్ళు, నడుంనొప్పనేవాళ్ళోళ్ళు. అసలు ఎవర్ని నమ్మాలో ఎవరిని నమ్మకూడదో కూడా తెలియదు. ఈ సందర్భం లో OPEN లో వచ్చిన వ్యాసం ఒకటి పెట్టాను.చదవండి.
అమ్మయ్య మొత్తానికి మనవాళ్ళు ఓ మ్యాచ్ నెగ్గారండి బాబూ! దానిక్కూడా ఎంత సస్పెన్సో…

%d bloggers like this: