బాతాఖాని-లక్ష్మిఫణి కబుర్లు– బుల్లి.. బుల్లి.. సంతోషాలు..

The WordPress.com stats helper monkeys prepared a 2011 annual report for this blog.

Here’s an excerpt:

Madison Square Garden can seat 20,000 people for a concert. This blog was viewed about 64,000 times in 2011. If it were a concert at Madison Square Garden, it would take about 3 sold-out performances for that many people to see it.

Click here to see the complete report.</p

    వయస్సు వచ్చిన తరువాత మనకి వచ్చే ప్రశంసలకన్నా పిల్లలకి వచ్చేవాటిమీద ఆసక్తి ఎక్కువైపోతుంది. మన ప్రోగ్రెస్ back bench లోకి వెళ్ళిపోతుంది. మళ్ళీ బాధ్యతలన్నీ తీరి, వానప్రస్థం లోకి వచ్చినప్పుడు అనుకుంటాము. మళ్ళీ చిన్నతనం లోకి వెళ్ళిపోతే ఎంత బావుంటుందీ అని. అప్పటి మధుర జ్ఞాపకాలు అవేనండి, పెన్సిళ్ళూ, సోప్ బాక్సులూ, కంపాస్ బాక్సులూ గుర్తుచేసికోడం! వయస్సు వచ్చిన తరువాత మనకి వచ్చే ప్రశంసలకన్నా పిల్లలకి వచ్చేవాటిమీద ఆసక్తి ఎక్కువైపోతుంది. మన ప్రోగ్రెస్ back bench లోకి వెళ్ళిపోతుంది. మళ్ళీ బాధ్యతలన్నీ తీరి, వానప్రస్థం లోకి వచ్చినప్పుడు అనుకుంటాము. మళ్ళీ చిన్నతనం లోకి వెళ్ళిపోతే ఎంత బావుంటుందీ అని. ! చిన్నప్పుడు ఎప్పుడైనా చిన్న చిన్న ప్రైజులు– అది ఓ పెన్సిల్ కావొచ్చు , ఓ సోప్ బాక్స్, ఓ కంపాస్ బాక్స్ కావొచ్చు, అదీ ఇదీ అని లేకుండా, గుండెలకి హత్తేసికుని, ఊరంతా చూపించుకోడం లో ఉన్న ఆనందం ఎంతో విలువైనది. ఇంక మన తల్లితండ్రులు కూడా, " మా అబ్బాయికి స్కూల్లో ప్రైజొచ్చిందండీ" అని అడిగినవాళ్ళకీ, అడగనివాళ్ళకీ చూపించేసికోడం ! రిక్షా వాడి దగ్గరనుంచి, పాలు పోసేవాడిదాకా అందరూ ఈ “హింస” కి బలైపోయేవారు. గుర్తుండే ఉంటుంది.

   అలాటిది 68 ఏళ్ళొచ్చిన తరువాత, జీవితంలో మొదటిసారిగా ప్రైజొచ్చిందంటే, ఎంత చిన్నదైనా అందరికీ చెప్పుకోవాలనుంటుంది కదా! ఈ గోలంతా ఎందుకు వ్రాస్తున్నానంటే, నాకైతే ఎప్పుడూ ప్రైజులొచ్చిన గుర్తు లేదు. నా చదువే అంతంతాయిరి!దానికి సాయం ప్రైజులుకూడానా! No way.. అయినా వస్తే బావుండునూ అనుకోడం లో తప్పు లేదుగా. ప్రతీ ఆదివారం ETV2 లో “తెలుగువెలుగు” అని ఓ కార్యక్రమం వస్తూంటుంది. దాంట్లో ఓ “ప్రశ్న” ఇస్తూంటారు. దానికి జవాబు కరెక్ట్ గా వ్రాస్తే వాళ్ళకి ఓ ప్రైజు కూడా ఇస్తారుట. నేను ఈ కార్యక్రమం ప్రతీ వారం తప్పకుండా చూస్తూంటాను. పోనీ వాళ్ళిచ్చే ప్రశ్నకి జవాబు ఎస్.ఎం.ఎస్. చేస్తే ప్రైజురావొచ్చేమో అని అనిపించేది. ఆమాత్రం తెలివితేటలే ఉంటే గొడవే ఉండేది కాదుగా. అది లేకేకదా… కిందటివారం ఓ ప్రశ్న ఇచ్చారు. ఏమైనా సరే ఈసారి పంపించేయాలీ అనుకున్నాను. మహ అయితే ఏమౌతుందీ, లాటరీలో మన జవాబు సెలెక్ట్ చేయలేదూ అనుకోడం. ఎవరితోనైనా చెప్తే కష్టం కానీ, ఈ విషయం అసలు ఎవరితోనూ చెప్పకపోతే అసలు గొడవే ఉండదూ. కానీ అంత అదృష్టం కూడానా, మొన్నెప్పుడో, మా లైబ్రరీలో పని చేసికుంటుండగా ఓ ఫోనొచ్చింది. ” మీరు క్రితంవారం తెలుగు వెలుగు ప్రశ్నకి జవాబు పంపారా” అంటూ. ఔనూ అని చెప్పి, సంగతేమిటీ అని అడిగితే, మీ జవాబు సెలెక్ట్ చేశాము, మీ ఎడ్రస్ ఇవ్వండీ, ప్రైజు పంపాలీ అని. వామ్మోయ్ వెంటనే ఇంటావిడకి ఫోను చేసి చెప్పేశాను ఇదీ విషయం అని. నాకు తెలియకుండా అసలు మీరెప్పుడు పంపారూ, అదన్నమాట విషయం, ఇంకా ఏమేం చేస్తున్నారో అంటూ మసలా లేని చివాట్లేసిందనుకోండి. కానీ ఈవేళ 11.55 కి “తెలుగువెలుగు” కార్యక్రమం లో తెరమీద నా పేరు చూసిన తరువాత మొత్తానికి నమ్మిందిలెండి.

   అలాగే WordPress.com వాళ్ళదగ్గరనుంచి ఓ మెయిల్ వచ్చింది. 2011 లో నేను బ్లాగులోకంలో చేసిన నిర్వాకం. అందులో వాళ్ళువ్రాసిన —” If it were a concert at Madison Square Garden,it would take about 3-sold out performances for that many people to see it.” అన్నది చదవడానికి బావుంది. ఇంతమందినా నేను హింసిస్తున్నదీ అని బాధా వేసింది!

   ఏది ఏమైనా ఇలాటి బుల్లి బుల్లి… సంతోషాలేకదా గుర్తుండేవి! అందరికీ అనిపించొచ్చు ” ఏమిటో ఈయన ఉబలాటం, అక్కడికేదో పద్మ ఎవార్డ్ వచ్చినంతగా సంతోష పడిపోతున్నాడూ అని. నా ప్రాణానికి ఇలాటి సంతోషాలు చాలు…

    HAPPY NEW YEAR TO ALL MY BELOVED READERS…