బాతాఖాని-లక్ష్మిఫణి కబుర్లు– మేరా భారత్ మహాన్…


   ప్రొద్దుటే వినాయకచవితి పూజ చేసికుని, భోజనం చేసి, కొంతసేపు రిలాక్స్ అయి, ఇప్పుడే మేముండే ఇంటికి చేరాము. చెప్పేనుగా, మేముండే ఇంటికి వచ్చేస్తే, నాదారిన నేను టపాలు వ్రాసుకోవచ్చు, ప్రొద్దుటే ఎప్పుడు లేచినా అడిగేవాడులేడు!మా ఇంట్లో అయితే, కనీసం నవ్య స్కూలుకి వెళ్ళేలోపునైనా లేచి రెడీ అవకపోతే, చూసేవాళ్ళకి బావుండదు.
రేపు పేపర్లుండవుట. అయినా ఉన్నా లేకపోయినా మహ తేడా ఏమీ ఉండదనుకోండి. ఎప్పుడూ ఒకటే గోల! ప్రతీవాడూ ప్రతీదానికీ, ఏదో వాళ్ళ చేతుల్లో ఉన్నట్లు, deadline లు పెట్టేవాళ్ళే!

    ఒకరేమో ఆగస్టు 30 లోపులో అదేదో జనలోక్పాలో ఇంకోటో, పార్లమెంటులో పాస్ అవకపోతే అసలు ముద్దే ముట్టనన్నారు. ఆగస్టు ముఫైయ్యీ వెళ్ళింది, రంజానూ వెళ్ళిందీ, విఘ్నేశ్వర పూజ కూడా పూర్తీ అయింది. తూతూ మంత్రం లా ఓ పేద్ద “చర్చ” జరిపించేసి, ఇదిగో ఫలానా అదిగో ఫలానా అని వాగేసి, వోటింగైనా లేకుండా, ఓ తాయిలం చూపించేశారు. అందరూ ఆహా ఓహో అనేసికుని టపాకాయలు పేల్చేసి, స్వీట్స్ ఒకళ్ళ నోట్లో ఒకళ్ళు కుక్కేసికుని, ఆ పెద్దాయనకి, ఓ ఇద్దరు చిన్న పిల్లలచేత జ్యూస్ తాగించేశారు. మళ్ళీ అక్కడా సెక్యూలరిజం !! ఈ లోపులో పెద్దాయన టీం లో వాళ్ళ మీద ఒకళ్ళపైన ఒకళ్ళు విసుర్లు వేశారు, ఓ రోజంతా పేపర్లకీ, టీవీ లకీ కాలక్షేపం, మర్నాడు మళ్ళీ వాళ్ళే, అబ్బే అసలు నేనలాగననే లేదూ, I was quoted out of context అని ఓ స్టేట్మెంటూ! ఇదో వేళాకోళం అయిపోయింది ప్రతీవాడికీనూ, మనల్ని అంటే ఆంఆద్మీలని వెర్రివెంగళప్పలు చేసి ఆడిస్తున్నారు! మనం ఆడుతున్నాము. ఒకసంగతి చెప్పండి, పెద్దాయనకి ఉపోషం మొదలెట్టిన రోజే చెప్పారు- మీ ముసాయిదా అదేదో కమెటీ ముందర పెడతామూ, ఓ మూణ్ణాలుగు నెలల్లో ఏదో ఒకటి తేలుతుందీ అని. పధ్నాలుగు రోజుల తరువాత జరిగిందేమిటీ, అదే కదా! మన రాజకీయనాయకులు జమాజెట్టీలండి బాబూ, వాళ్ళా అంత తొందరలో తేల్చేది? It was all question of egos. ఆ పెద్దాయనకి తెలుసు అందుకే సగం విజయం అన్నారు. మిగిలిన సగానికి, ఆ మిగిలినవాళ్ళని కూర్చోబెడితే సరి, వదిలిపోతుంది రోగం! కరప్షన్ ఉండాలని ఎవరూ అనరు.

   ఈ మధ్యలో, మన గౌరవనీయ మాజీ ముఖ్యమంత్రిగారిని, పక్క ఊళ్ళో గవర్నర్ గా వేసేశారు. ఆ ప్రమాణ స్వీకారానికి వెళ్ళిన ఆయన చుట్టాల్ని, ఎవరూ కేర్ చేయలేదూ అని ఈవేళ ఓ న్యూసూ. ఇక్కడే పట్టించుకోపోతే, బయటివాళ్ళేం పట్టించుకుంటారు? అసలు ఈ గవర్నర్ గారు ఏం చేస్తారుట? తమిళనాడులో ఉండే దేవాలయాలన్నీ, ఫుకట్ గా చూడ్డం తప్పించి, ఇదివరకో గవర్నర్ ని చూళ్ళేదూ మనం, 75 ఏళ్ళు దాటినా హాయిగా సోమాజీగూడాలో వయస్సులో ఉన్న వాళ్ళతో జల్సా చేశాడన్నారు! పైగా ఎప్పుడో చేసిన ” వెధవ పనికి” వాడెవడో కోర్టులో కేసుకూడా వేశాడు. అదేదో DNA Test చేయించుకోరా పోనీ ఆంటే ఠాఠ్ అంటాడు. మన మా.ము. గారుమాత్రం తక్కువేమిటీ, అదేదో భూపంపకాల్లో ఏదో లాగించేశారూ అన్నారు. వీళ్ళండీ మన రాజ్యపాళ్ళు అదే గవర్నర్లు!

    ఈలోపులో మన ప్రభుత్వం వారు ఓ Sports Bill అనోటి పెడదామని, క్యాబినెట్ ముందర చర్చించడం మొదలెట్టేటప్పటికి, ఓరి నాయనో ఇదేదో మన పొట్టలమీద కొట్టేదిరా బాబూ అనుకుని, మన అతిరథ మహారథులు పవారూ, ఫ్రఫుల్లూ వగైరాలందరూ ఠాఠ్ వద్దనేశారు! BCCI కి గవర్నమెంటు aid లేదుట, అందుకోసం వాళ్ళకి RTI వర్తించదుట! ఇంతకంటే దౌర్భాగ్యపు ఆర్గ్యుమెంటు ఎక్కడైనా విన్నారా? అదేదో Government of the People,by the People and for the People అంటారుకదా, మరి వీళ్ళకి డబ్బులు తగలేసి ఇచ్చేది ఎవరు బాబూ? ప్రతీ దౌర్భాగ్య రాజకీయనాయకుడూ, ఏదో ఒక Sports Body లో పడితింటున్నవాడే. ఏం తింటున్నావు నాయనా అని అడక్కూడదుట.ఇంతమంది దరిద్రుల్ని వదిలేసి, వీళ్ళందరినీ “దేముళ్ళు” చేసిన మీడియాని వదిలేసి, ప్రభుత్వోద్యోగులూ అంటూ ఏడుస్తారేమిటో తెలియదు.

   ఆదికేశవనాయుడి దరిద్రం వదిలి అదేదో specified authority అని పెట్టారూ బాగానేఉందీ అనుకున్నంతసేపు పట్టలేదు, ఇంకోకాయనొచ్చేశాడు! ఆయనేమో అప్పుడెప్పుడో, ” జంబూద్వీపే భరత ఖండే” రోజుల్లో, ఏదో స్కాం లో ఇరుక్కుని మంత్రిపదవికి నీళ్ళొదులుకున్నాడుట. మన ప్రభుత్వం వారికి ఈయనే దొరికాడు, శ్రీవెంకటేశ్వరుడిని కాపాడ్డానికి! ఈయనేం వెలగబెడతాడో చూడాలి.

   ఒక్కవిషయం మాత్రం తమాషాగా ఉంది అటు కేంద్రప్రభుత్వం అనండి, ఇటు రాష్ట్ర ప్రభుత్వం అనండి, అదేం ఖర్మమో , ప్రతీ ముఖ్యమైన పోస్టుకీ minimum qualification- ఎప్పుడో అప్పుడు ఏదో ఒక స్కాం లో ఉంటేనే, అలాటి అభ్యర్ధులే eligible అనుకుంటా.ఇదేదో బాగానే ఉందే! పాపం ఆ పెద్దాయన ఇంకా ఎన్నెన్ని ఉపోషాలు చేయాలో …..

మేరా భారత్ మహాన్..

Advertisements

5 Responses

  1. మన దుఃస్థితి
    ఏం చేద్దాం చెప్పండి

    Like

  2. bcci non profit org,వాళ్ళు రూపాయి తక్ష్ కట్టటలేదు. అంటే సంవత్సరానికి 44% incometax AIDగ పొందుతున్నారు.

    Like

  3. బాబాయ్ గారూ.. ఎందుకండీ ఇవన్నీ చూసి.. ఆలోచించి ఆవేశపడి.. బీ.పీ పెంచుకుంటారూ.. సరదాగా ఏదన్నా కామేడీ రాయండి. రాజకీయాలు రొచ్చులూ చూడలేక చస్తున్నాం మీ బ్లాగులో కూడా అవేనా!!! ష్…

    Like

  4. యథా ప్రజా…తథా రాజ…

    Like

  5. @రెహమానూ,
    నిజమే. ఏం చేస్తాం?
    @శేషు,
    మరి ఆ BCCI వాళ్ళనేది అదేగా !

    @శ్రీనివాసా,

    మన చుట్టూ జరిగేది కూడా చూస్తూండాలి అప్పుడప్పుడు.

    @తెలుగుభావాలు,
    అక్షరసత్యం !

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: